Zjarr në një banesë në Lezhë, vetëm dëme materiale
Lezhë – Një zjarr ka rënë në një banesë në lagjen “Skënderbeg” të qytetit të Lezhës. Ngjarja ka ndodhur në katin e tetë të një pallati, në banesën e shtetasit P.Gj. Fatmirësisht, nuk raportohet për persona të lënduar, ndërsa zjarri ka shkaktuar vetëm dëme materiale.
Në vendngjarje ndodhen shërbimet e policisë dhe zjarrfikësit, të cilët po punojnë për shuarjen e flakëve dhe zbardhjen e shkaqeve të zjarrit.
