Policia ka akuzuar një burrë për vrasjen e një 21-vjeçari i cili u ther me thikë në Londrën Perëndimore. Renato Geci u gjet me plagët fatale në një shtëpi në Granville Avenue në orët e para të së hënës (22 mars).
Policia ishte thirrur rreth orës 3.20 të mëngjesit dhe zbuloi 21-vjeçarin dhe një burrë tjetër, në të 20-at e tij, të plagosur me thikë.
Mjerisht, Renato u shpall i vdekur në vendngjarje një orë më vonë. Viktima tjetër u dërgua me urgjencë në spital, por pas mjekimit doli prej tij.
Të shtunën (27 mars), Shërbimi i Policisë Metropolitane njoftoi se Shaddai Smith, nga Romford, ishte akuzuar për vrasje, plagosje me dashje dhe vjedhje të një shtëpie në Granville Avenue.
31-vjeçari është paraqitur në Gjykatën e Magjistraturës Wimbledon të shtunën (27 mars).
Policia gjithashtu tha se një grua 27-vjeçare e arrestuar nën dyshimin për ndihmë ndaj autorit është liruar me kusht deri në mes të prillit.
© SYRI.net
