Detaje të reja kanë dalë në dritë në lidhje me vrasjen e 30-vjeçarit Kristjan Marku
Makina e djegur është gjetur po në Novoselë, dyshohet e autorëve, makina tip golf është gjetur duke u djegur në afërsi te nën kalimi i Novoselës, jo shumë larg vendit të ngjarjes, sipas gazetarit të Top Channel, Mikel Marsi.
Kristian Marku i cili u qëllua sot për vdekje rezulton me precedent penal.
Ai akuzohej për “Vrasje me dashje në bashkëpunim mbetur në tentativë” dhe “Mbajtja pa leje e armëve të zjarrit dhe municionit luftarak”
Shtetasi Kristian Marku alias Kristi Bardhi dyshohet të jetë autor në ngjarjen e datës 26.03.2023, rreth orës 19:00, ndodhur në Rrëshen të Mirdits, ku pati të shtëna me armë zjarri në drejtim të shtetasit me iniciale S. R..
30-vjeçari u qëllua me breshëri automatiku rreth orës 18:15, në afërsi të fshatit Novoselë, ndërsa po udhëtonte në autostradën Fier-Vlorë me automjetin tip “Volkswagen”, sipas korrespodentit të Top Channel, Mikel Marsi.
Në vendngjarje kanë shkuar shërbime të Policisë së DVP Vlorë dhe grupe të Forcës Kombëtare të Sigurisë Njësia Fier. Vijon krehja e zonës dhe kontrollet për kapjen e autorëve.
Është ngritur një grup i posaçëm hetimor dhe, nën drejtimin e Prokurorisë, vijojnë intensivisht hetimet për zbardhjen e rrethanave dhe sigurimin e provave, me qëllim dokumentimin ligjor të ngjarjes, identifikimin dhe kapjen e autorit/ve.
Pas atentatit autorët dyshohet se kanë kaluar drejt qytetit të Vlorës. Pista kryesore e vrasjes së 30-vjeçari është hakmarrja.
