Vrasja e Ilaria Sulës, fqinjët e familjes të tronditur: Autori të dënohet maksimalisht! E vrau vajzën, e futi në valixhe dhe e flaku në pyll

0
2

Vrasja e 22-vjeçares Ilaria Sula në Itali ka shokuar mbarë opinionin në Zonën Çermë e Sipërme ku prindërit e saj kanë jetuar.

Banorët e Çermës dhe fqinjët e kanë marrë vesh lajmin e kobshëm nëpërmjet mediave dhe rrjeteve sociale. Të afërmit e familjes Sula përfshi dhe gjyshin e të ndjerës kanë udhëtuar drejt Italisë për t’u bashkuar me pjesën tjetër të familjes që punojnë e jetojnë në shtetin fqinj.

Banorët shprehen se për vrasësin duhet dënimi kapital.

“Lajmin e morëm vesh nga mediat. Njerëz këtu ajo nuk ka sepse janë në Itali. U shokuam nga ngjarja, ishte vetëm 22 vjeçe….
Autori duhet të marrë dënimin e merituar, të vrasësh një vajzë aq të re… Nuk e do, ndaje.

 

 

Pse do t’i marrësh jetën. Ne jemi të shokuar. Ta vrasësh, ta fusësh në valixhe dhe ta hedhësh në pyje”, thanë disa prej tyre, ndërkohë që kanë kërkuar edhe dënimin me vrasje për shtetasin filipinez që i mori jetën studentes shqiptare.