Ky është momenti kur arrestohet 36-vjeçari Ali Zili pasi vrau komshijet e tij, 60-vjeçaren Fatmira Bami dhe vjehrrën e saj, 80-vjeçaren Bukurie Bami.
Vjehërr e nuse, jetonin vetëm në banesën e tyre në fshatin Progër të Devollit. Bashkëshortët e tyre kishin ndërruar jetë vite më parë.
Mbrëmjen e djeshme 36 vjeçari Zili me të cilin janë krushq ju shkoi në shtëpi. Dyshohet se ju kërkoi para dhe janë përleshur. Më pas i ka vrarë me mjete të forta. Trupat e pajetë janë zbuluar rreth orës 15:00 të ditët së sotme nga fqinjët e tyre. 36 vjeçari me precedent penal për dhunë në familje u arrestua në banesën e tij dhe ka pranuar autorësinë.
Kryeplaku i fshatit Nevruz Hoxha tregon se gratë kanë bërë rezistencë.
Vajza e 80 vjeçares u kthye e tronditur nga puna. Mësoi për vdekjen e së ëmës kur pa policinë në derën e shtëpisë.
Ali Zili, autori I vrasjes është beqar, jetonte në një banesë me të vëllain, Gjergjin dhe familjen e tij.
Gjergji tha se 36 vjeçari konsumonte sistematikisht alkool dhe dhunonte familjarë. Ai e ka denoncuar disa herë por polici.
Gjergji Zili tregon se prej dy ditësh Aliu nuk shkonte në shtëpi deri sa u kthye në orën 5 të mëngjesit të sotëm. Pasi kishte kryer krimin e dyfishtë kishte fjetur gjumë i qetë. Nuk lëvizi nga banesa derisa u arrestua nga policia. Banorët e fshatit kërkojnë dënim kapital.
/abcnews.al
