Një 47-vjeçar spanjoll me inicialet Franciso Cervilla ka humbur jetën pasi duke bërë dush është dëmtuar me mjet prerës. Ngjarja ka ndodhur në një hotel në fshatin Karavasta. Shoku i tij i dhomës, spanjolli 41-vjeçar me inicialet O.V ka deklaruar informacionet e para dhe tani është duke u marrë në pyetje nga policia. Janë duke u bërë hetime për t’u parë nëse do të ketë qenë vetëvrasje.
Priten informacione të mëtejshme.
Divjakë/Informacion paraprak
Në fshatin Karavasta, Divjakë, në një hotel, shtetasi spanjoll F. C., 47 vjeç, dyshohet se ka dëmtuar veten me mjet prerës (thikë) dhe për pasojë ka humbur jetën.
Sipas deklarimeve të para të shokut të tij të dhomës, shtetasit spanjoll O. V., 41 vjeç, rezulton se 47-vjeçari është dëmtuar me mjet prerës gjatë kohës që ka qenë duke bërë dush.
Nga ana e grupit hetimor, nën drejtimin e Prokurorisë, po kryhen veprime të thelluara hetimore për sqarimin e rrethanave të ngjarjes, për të përcaktuar shkakun e kryerjes së vetëvrasjes.
Ndërkohë, është shoqëruar në ambientet e Policisë, shoku i dhomës, shtetasi O. V., për sqarimin e të gjitha rrethanave dhe mekanizmit të ngjarjes.
Në përfundim të veprimeve të para hetimore në vendngjarje do ketë njoftim të detajuar për këtë rast.
