Nëse Zvicra është ende në lojë për t’u kualifikuar më tej në Europian, është meritë padyshim e Xherdan Shaqirit i cili me dy gola shumë të rëndësishëm i dha fitoren helvetëve. Shaqiri i cili u zgjodh edhe më i miri i ndeshjes foli para gazetarëve ku u shpreh i kënaqur për suksesin dhe për golat e tij.
“Jemi të kënaqur me rezultatin. Goli i parë ishte i veçantë, me këmbën time të djathtë, më të dobtën. Sigurisht u lumturova te të dy golat e shënuar. Jam i lumtur me paraqitjen time dhe shumë i lumtur që isha në gjendje të ndihmoja ekipin. Tani duhet të presim dhe të shohim çfarë do të ndodhë. Duhej të fitonim sot dhe bëmë një ndeshje të mirë”.
Edhe lojtari tjetër shqiptar, Granit Xhaka foli me elozhe për skuadrën pas suksesit me Turqinë.
“Duhet të jemi të duruar dhe të shohim çfarë ndodh në ndeshjet e tjera. Mendoj se kemi luajtur një ndeshje të mirë sot. Ishte ndeshje e madhe nga ne dhe e meritonim të fitonim ndaj Turqisë”.
ora tv
