Ditën e sotme në parlamentin grek është duke u diskutuar për zgjerimin deri në 12 milje në detin Jon. Kryeministri grek, Kyriakos Mitsotakis ka mbajtur një fjalim duke e mbrojtur këtë projektligj.
Mitsotakis u shpreh se territori grek është rritur me 10% dhe se ata tashmë dominojnë në detin Jon. Gjithashtu ai shtoi se Kryeministri i Shqipërisë, Edi Rama ka deklaruar publikisht se zgjerimi me 12 milje në detin Jon është e drejtë.
“Ministri i Jashtëm grek bashkëpunoi me homologun e tij shqiptar dhe tani çdo mosmarrëveshje me Tiranën do të adresohet në një gjykatë ndërkombëtare.
Kryeministri i Shqipërisë deklaroi në mënyrë të qartë tha se shtrirja në 12 milje detare është një e drejtë e patjetërsueshme sovrane e Athinës, duke shtuar një argument tjetër në favor të pozicionit tonë se ujërat e Mesdheut mund të bashkohen në vend që të ndajnë popujt “, u shpreh Mitsotakis.
Kujtojmë se ditën e djeshme ministri i Jashtëm grek, Dendias deklaroi në parlamentin grek se Greqia synon zgjerimin e ujrave territorial në detin Jon dhe në Egje./r.g
