Ministria e Mbrojtjes ka bërë bilancin e situatës së zjarreve në vend për harkun kohor nga ora 09:00 e datës 17 gusht deri në orën 09:15 të datës 18 gusht 2025.
Sipas njoftimit zyrtar, në territorin e Shqipërisë janë evidentuar 23 vatra zjarri: 16 janë shuar plotësisht, 4 janë ende aktive, ndërsa 3 mbeten nën monitorim.
Janë izoluar dhe shuar zjarret në: Gramsh (Teqeja e Dushkut, Mali i Kushovës), Vlorë (afër hangarëve të avionëve), Skrapar (Osnat), Përmet, Durrës (Gjuricaj dhe Shënavlash), Krujë (Virjon dhe afër Fabrikës së Çimentos), Memaliaj, Shkodër (Prekal dhe Mali Kolaj), Patos, Delvinë, Elbasan (Shushicë).
