Manchester United e bën zyrtare, Erik ten Hag do të drejtojë skuadrën duke nisur që nga sezoni i ardhshëm. Nëpërmjet një komunikate në faqen zyrtare në klubit, trajneri i Ajaxi-t emërohet menaxher me një kontratë që do ta lidhë deri në vitin 2025 me opsion edhe për një sezon shtesë
Drejtori sportiv, John Murtough shprehet: “Gjatë katër viteve te Ajax Eric ka treguar se është një nga trajnerët më spektakolarë dhe të suksesshëm të Europës. Ai ka ndërtuar një ekip tërheqës, me futboll sulmues dhe me shumë të rinj premtues”.
Në fund, drejtuesi i “Djajve të kuq” thekson se emërimi i Ten Hag është tregues i vizionit që ka klubi për ta çuar përpara markën Manchester United dhe për ta ngjitur në nivelet më të larta të Anglisë dhe Europës.
