Aksidentohet makinë e ushtrisë. Aksidenti ka ndodhur pranë “Qafës së Vishës” në Himarë, ku shoferi ka humbur kontrollin mbi drejtimin e mjetit dhe për pasojë është përplasur me bordurën anësore të rrugës.
Shoferi, së bashku me 2 prej ushtarakëve që udhëtonin në këtë mjet, shtetasit G. H., 23 vjeç dhe J. Ll., 32 vjeç, kanë mbetur të plagosur. Ata ndodhen në spitalin e Himarës, jashtë rrezikut për jetën.
Njoftimi i policisë
Sot, rreth orës 16:30, në vendin e quajtur “Qafa e Vishës”, shtetasi P. N., 64 vjeç, duke drejtuar një automjet të ushtrisë, dyshohet se ka humbur kontrollin mbi drejtimin e mjetit dhe për pasojë mjeti është përplasur me bordurën anësore të rrugës.
64-vjeçari, së bashku me 2 prej ushtarakëve që udhëtonin në këtë mjet, shtetasit G. H., 23 vjeç dhe J. Ll., 32 vjeç, ndodhen në spitalin e Himarës, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit.
