Florian Neuhaus është njëri nga mesfushorët më në formë këtë edicion në Bundesliga.
Gjermani është duke kaluar nëpër një formë të jashtëzakonshme me Borussia Moenchegladbachun.
23-vjeçari ka shkëlqyer deri më tani, ku në 15 ndeshje ka shënuar katër gola e ka bërë tre asistime.
Mesfushori qendror falë formës fantastike që është duke kaluar, është bërë objektivi kryesor i Bayern Munichut për repartin e mesfushës.
Gazeta prestigjioze gjermane, Sport Bild ka raportuar se Bayern është gati të shpenzojë deri në 40 milionë euro për transferimin e Neuhaus.
Gladbach tri vite më parë e kishte marrë lojtarin si agjent të lirë, pasi Neuhaus ishte larguar nga 1860 Munich pas përfundimit të kontratës.
Reprezentuesi gjerman është rritur në Munich dhe dëshira e tij është të rikthehet përsëri në këtë qytet, por tani të luaj me fanellën e Bayernit.
Gjithsesi përveç Bayernit, Neuhaus është duke u ndjekur edhe nga Borussia Dortmund, Arsenal e Juventus.
lajmi.net
