Belind Këlliçi, kryetari i opozitës për bashkinë e Tiranës, ka theksuar sot se prioritet i tij si kryebashkiak i Tiranës do të jetë furnizimi me ujë të pijshëm i kryeqytetit. “Tirana nuk ka ujë të pijshëm, – tha ai. – Kryetari i bashkisë na thotë se në Tiranë ka mesatarisht 17 orë ujë të pijshëm, por në tre muaj që kam në terren të gjithë ankohen se nuk ka më shumë se 1 apo 2 orë në ditë, ujë të pijshëm. Uji i pijshëm është një nga prioritete e mia si kryetar bashkie.
Belindi: Faleminderit të gjithë që keni ardhur, falenderoj të gjithë të rinjtë që kanë ardhur nga vende të ndryshme për herë të dytë në tiranë. Falë të gjitha reformave të FRPD-, EDS na pranoi me të drejta të plota në organizatën e saj. Falenderoj Berishën, promotorin më të madh të të rinjve. Edhe sot, ne krenohemi me ato statistika, që gjatë qeverisjes së PD-së pati një trend për kthimin e studentëve nga vendet e botës. Gjatë kësaj kohe Shqipëria pati një rritje të popullsisë. Në vitet e fundit vendi po shpopullohet, sepse të rinjtë nuk kanë mundësinë të ndërtojnë jetën e tyre këtu. Sot PD ka një sfidë të madhe dhe unë do të dal në këtë betejë, që duket si një betejë e të rinjve, por jo. Është e vërtetë që Tirana udhëhiqet sot nga interesat e krimit, mafias dhe korrupsionit. Ajo që ne ofrojmë është fillimisht ndryshimi, ndryshimi është në duart e qytetarëve. Vij si një kandidat që nuk kam asnjë akuzë në kurriz, asnjë histori të përfshirë me korrupsion. Ne vijmë me një model ndryshe, ku do vëmë qytetarin të parin, që realitetin që kërkojnë ta bëjnë të mundshëm me votën e tyre. Të rinjtë do jenë pjesë e pandashme e ekipit tim, do jenë pjesë e përbërëse e Këshillit Bashiak, do jenë pjesë e ekipit qeverisë. Kjo është një bashki që vetëm të rinjve nuk u shërben. Transporti publik për të gjithë banorët e Tiranës do jetë falas.
