Ish-kryeministri i Italisë për 3 mandate, Silvio Berluskoni synon që të marrë Presidencën në zgjedhjet e ardhshme.
85-vjeçari, i cili hyri në politikë 30 vjet më parë po kërkon të marrë edhe pozitën më të lartë të shtetit, atë të presidentit.
Mandati i kreu aktual i shtetit, Sergio Mattarella përfundon në 3 shkurt dhe ai nuk ka shpallur kandidaturën për një mandat të dytë.
Berluskoni është duke lobuar te ligjvënësit italianë të qendrës së djathtë prej javësh, për të siguruar votat e tyre për t’u zgjedhur president më 24 janar, për një mandat katër vjeçar.
Në Itali, deputetët, senatorët dhe përfaqësuesit e 20 rajoneve, zgjedhin presidentin e republikës.
Për të fituar, një kandidati i duhen dy të tretat e votave në tri raundet e para të votimit. Në të katërtin, një shumicë e thjeshtë është e mjaftueshme.
Ish-kryeministri Enrico Letta, i cili kryeson Partinë Demokratike, kritikoi kandidimin e Berluskonit për president, duke e quajtur atë përçarës.
Berluskoni ka luftuar gjatë viteve me probleme të zemrës dhe të tjera shëndetësore. Ai po ashtu u shtrua në spital si pasojë e COVID-19.
Miliarderi është dënuar për mashtrim në tatime në të kaluarën, për të cilën u përjashtua nga Senati, kritika të tjera ai ka marrë edhe për mbrëmjet që kalonte me vajzat e reja, si edhe u akuzua se pagoi para për të kryer marrëdhënie seksuale me një të mitur, por gjykata e pushoi çështjen.
