Moti i keq ka sjellë reshje intensive bore në juglindje të vendit dhe kryesisht në zonat malore. Përveç kënaqësisë së turistëve bora ka shfaqur problematika, kryesisht në bllokimin e rrugëve nacionale.
Në Lepushë janë 10 turistë të bllokuar nga bora, ndërsa një banore ka bërë apel për ndihmë, pasi siç thotë ajo kanë tre netë të izoluar.
Probleme me dëborën ka pasur edhe në juglindje të vendit. Rajoni i Korçës është përfshirë nga një i ftohtë i acartë me temperatura që shkojnë disa gradë nën zero. Prej 14 ditësh banorët e fshatit Panarit në Korçë janë bllokuar për shkak të reshjeve të dendura.
Në këtë fshat banojnë rreth 200 banorë, të cilët prej dy javësh ndodhen të izoluar nga pjesa tjetër e kësaj zone pasi rruga Shtyllë-Panarit është e bllokuar. Mësohet se reshjet e fundit kanë shtuar trashësinë e dëborës, në 1 metër, duke bërë kështu të pamundur ndërhyrjen për hapjen e rrugës.
Expres
