Suksesi që Dua Lipa ka arritur gjatë viteve të fundit ka shtuar ndjeshëm dhe buxhetin e saj. Këngëtarja shqiptare, aktualisht ndër më të kërkuarat në tregun ndërkombëtar, është bërë pjesë e listës së muzikantëve nën 30-vjeç më të pasur në Mbretërinë e Bashkuar.
Ed Sheeran mund të bëhet muzikanti i parë miliarder britanik. Këngëtari 31 vjeçar, baba i dy fëmijëve, e ka gjetur veten në vendin e 10-të në listën e muzikantëve më të pasur të Sunday Times me një pasuri totale prej 260 milionë paund. Në listën e më të rinjve, nën 30 vjeç, Harry Styles renditet në vendin e parë.
Ish anëtari i One Direction, i cili është angazhuar vitet e fundit në karrierën e tij si solist, shtoi 25 milionë paund në buxhetin e tij duke e çuar totalin në 100 milionë paund. Kjo e ka bërë atë muzikantin më të pasur nën moshën 30 vjeç.
Më pas vjen Dua Lipa me 60 milionë paund. Pasi rriti pasurinë e saj me 24 milionë £ në një total prej 60 milionë £, Dua Lipa ngjitet në vendin e dytë në listën e muzikantëve të rinj, duke u barazuar me grupin e famshëm të vajzave, Little Mix.
Lista e këngëtarëve më të pasur nën 30 vjeç
- Harry Styles – £100 million
- Dua Lipa – £60 million (joint)
- Little Mix – £60 million (joint)
- Niall Horan – £52 million
- Louis Tomlinson – £48 million
- Liam Payne – £44 million
- Zayn Malik – £36 million
- Sam Smith – £34 million
- Stormzy – £26 million
- Lewis Capaldi – £19 million/abcnews.al
