Dua Lipa është padyshim një ndër këngëtaret më të suksesshme me famë botërore. Artistja shqiptare ka korrur një sukses të jashtëzakonshëm, e cila ka thyer një sërë rekordesh, duke u bërë kështu një ndër personazhet më të komentuar në industrinë e muzikës.
Puna e palodhur dhe përkushtimi ndaj muzikës ka bërë që Dua të lërë pas emra të njohur të industrisë muzikore botërore. Së fundmi, ylli i hitit “Be The One” ka thyer një tjetër rekord, dhe ajo nuk mund të ishte më e lumtur se kaq. Përmes një postimi në InstaStory, Dua ka bërë me dije se është tashmë artistja e tretë më e dëgjuar në botë dhe artistja e parë femër më e dëgjuar.
Kujtojmë që Dua publikoi pak ditë më patë këngën më të fundit “Un Dia”, në bashkëpunim me J Balvin dhe Bad Bunny, ndërkohë që pritet të sjellë dhe projektin e ëndërruar prej kohësh. Bëhet fjalë për një bashkëpunim me divën e muzikës, Madonna, The Blessed Madonna dhe Missy Elliot. Bashkëpunimi do të jetë një remiks i këngës “Levitating” të Duas, që do të lançohet më 14 Gusht. /abcnews.al/
