Vetëm pak orë zgjati arratisja e vrasësit të 23-vjeçarit shqiptar, Klajdi Bitri. Fatah Melloul, 27 vjeç, nga Algjeria u arrestua rreth orës 21:00 nga karabinierët në Falconara. Me të në makinë ishte edhe miku i tij italian.
Në një video të siguruar nga arrestimi, 27-vjeçari qëndron i palëvizur në trotuar dhe i prangosur nga policët. Në dorë ai mbante ende me vete shtizën me të cilën i mori jetën 23-vjeçarit.
Karabinierët e kanë imobilizuar duke i thënë se ai kishte vrarë një person. Në atë moment algjeriani ka bërtitur: “E kam vrarë? Jo, nuk është e vërtetë”.
Klajdi Bitri mesa duket po mbronte shokun e përfshirë në mosmarrëveshjen me 27-vjeçarin. Ngjarjet kanë ndodhur rreth orës 17:00 në fshatin mesjetar të parkut Conero, në provincën e Ankonës./fax web
