Karriera si futbollist nuk i ka ecur ashtu siç pritej përderisa Denilson Cervanaku, djali i ish-kryetarit të komunës Frakull, u përfshi me të atin në “fabrikën” më të madhe të kokainës zbuluar ndonjëherë në Shqipëri.
Ai ka qenë më parë futbollist me Dinamon e Olimpikun, ku ka ushtruar këtë detyrë si porfesionist prej 5 vitesh, e tre ditë më parë ra në prangat e policisë.
I hetuar më parë si i përfshirë në bandën e Shullazit, Cervanaku, bashkë me të atin, dhe të fejuarën e tij, Enxhi Ferhati, vajza e Genc Ferhatit, një personazh shumë i njohur në botën e krimit për shkak të akuzës për vrasjen e Denis Ginës dhe Medjan Shehut, dhe i konsideruar si i forti i rrugës së Kavajës në Tiranë, ishin përfshirë në trafikimin e kokainës duke e kaluar me plehra kimikë.
Megaoperacioni që coi në sekuestrimin e drogës që vlerësohej mbi 40 milionë euro, bëri bujë të madhe në vend, por edhe mes agjencive ligjzbatuese ndërkohë që hetimet për të gjetur “bossin” e vërtetë vazhdojnë akoma. Denilson Çervanaku, e nisi karrierën sportive në vitin 2013 dhe i dha fund në 2017.
