Milan raportohet se është në ndjekje të legjendës Gianluigi Buffon, ish-portieri i Juventusit dhe kombëtares së Italisë.

Buffon aktualisht po luan për Parmën në Serinë B dhe kuqezinjtë thuhet se janë të interesuar të blejnë shërbimet e tij pasi vazhdojnë të qëndrojnë pa portierin e tyre kryesor, Mike Maignan, për një periudhë të gjatë.

Sipas “Calcio Style”, drejtori teknik i Milanit, Paolo Maldini ka kontaktuar Buffonin pas ndeshjes së Kupës së Italisë ndërmjet Interit dhe Parmës. Ky kontakt ishte për të vlerësuar gatishmërinë e tij për t’u bashkuar me kuqezinjtë.

Oferta në tryezë është një marrëveshje huazimi gjashtëmujor me mundësi vazhdimi të kontratës për sezonin e ardhshëm. Përgjigja e legjendës botërore ndaj ofertës së Milanit është ende e paqartë dhe mbetet për t’u parë nëse do të realizohet. Sidoqoftë, perspektiva për të parë Buffon në fanellën e Milanit do të jetë emocionuese si për tifozët ashtu edhe për ekipin./ h.ll/abcnews.al

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu