Makina përplas për vdekje policin e Rrugores, zbardhet dëshmia e shoferit: Nuk e pashë…

0
2790

Shoferi i makinës që përplasi dhe plagosi për vdekje policin 43-vjeçar mbrëmjen e së enjtes në Avenue Katehaki në Greqi pritet të dalë në prokurori brenda ditës.

Sipas informacioneve të para, drejtuesi i makinës, i cili me profesion është mjek, dyshohet se i ka thënë policisë për kolegun e tyre 43-vjeçar se “nuk e kishte parë”.

Sipas të njëjtave informacione, drejtuesi i makinës i ka përshkruar policisë se teksa po shkonte në drejtim të Ilioupolit, ka bërë një manovër për të shmangur makinën e patrullës që kishte ndaluar pas një aksident trafiku të ndodhur më herët.

Kjo manovër dyshohet se ka rezultuar fatale për policin rrugor 43-vjeçar, i cili sipas informacioneve kishte zbritur nga makina e patrullës dhe ndodhej pranë saj për të shkuar te mjeti që ishte përfshirë në aksidentin e mëparshëm rrugor.

Një vlerësim i parë nga policia është se drejtuesi i makinës që shtypi 43-vjeçarin ka qenë me shpejtësi, diçka që mbetet për t’u vërtetuar apo hedhur poshtë nga kontrollet dhe hetimet që do të kryhen për aksidentin rrugor.

 

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu