Nuk ndalet zhgënjimi dhe zemërimi i tifozëve spanjollë për eleminimin e Spanjës nga Kupa e Botës. Skuadra e Luis Enriques tashmë i shkarkuar, përveç faktit që nuk udhëtoi e plotë drejt Madridit pas eleminimit, është vënë në shënjestër të tifozëve edhe për shkak të një videoje që është bërë virale në rrjetet sociale.
Gjatë testeve antidoping, mesfushori i Marokut, Amallah thërret në një lidhje video miqtë e tij për te festuar por në sfond shfaqet Marcos Llorente që po i nënshtrohej gjithashtu testit antidoping ndërkohë që lojtari afrikan po tallej me të. Iberiku nuk ka reaguar aspak edhe pse të gjithë kanë nisur të qeshin. Shikojeni videon;
