Varianti Omicron i koronavirusit ka të ngjarë të përhapet në mbarë botën dhe në varësi të karakteristikave të variantit, ” mund të ketë shpërthime të ardhshme të Covid-19, të cilat mund të kenë pasoja të rënda” në disa zona, paralajmëroi sot Organizata Botërore e Shëndetësisë (OBSH).
Agjencia e OKB – së, u bëri thirrje 194 anëtarëve të saj që të përshpejtojnë vaksinimin e grupeve vulnerabël kundër Covid-19 dhe të “hartojnë plane zbutëse” në mënyrë që të mbajnë funksionale shërbimet e tyre shëndetësore bazë.
“Omicron ka një numër të paprecedentë mutacionesh në pikën e tij të proteinave, disa prej të cilave janë shqetësuese për ndikimin e tyre të mundshëm në rrjedhën e pandemisë,” paralajmëroi OBSH.
“Në përgjithësi, rreziku global nga shqetësimi i ri Omicron vlerësohet të jetë shumë i lartë, ” tha ai.
“Rritja e rasteve, pavarësisht nga ashpërsia e tyre, mund të rrisë presionin në sistemet shëndetësore dhe mund të sjellë rritje të sëmundshmërisë dhe vdekshmërisë. Ndikimi në popullatat e cenueshme do të jetë i rëndësishëm, veçanërisht në vendet me mbulim të ulët vaksinimi .”
OBSH u informua për herë të parë për variantin e ri të koronavirusit më 24 nëntor.
Që atëherë mutacioni është përhapur në të gjithë botën, me raste të raportuara në Australi , Belgjikë, Botsvanë, Britani, Danimarkë, Gjermani, Hong Kong, Izrael, Itali, Holandë, Afrikën e Jugut dhe Portugali dhe Kanada.
Sikur se Izraeli, edhe Japonia njoftoi sot se po ndalon të gjithë të huajt të hyjnë në territorin e saj, ndërsa vendet e tjera kanë njoftuar pezullimin e udhëtimeve për dhe nga vendet në Afrikën Jugore.
