Në Shqipëri jetojnë pak më shumë se 144 mijë persona me aftësi të kufizuara, kategori e cila përbën rreth 5 për qind të popullsisë rezidente.
Për shkak të kufizimeve biologjike, ata përballen me një sërë problematikash të cilat përfshijnë mungesën e aksesimit të shërbimeve dhe pasjen e përkujdesjes së nevojshme nga institucioneve.
Nga ana tjetër, COVID-19 përkeqësoi gjendjen e tyre. Me apo pa pandemi, problemi kryesor i kësaj kategorie mbetet punësimi. Ndonëse nuk ka shifra zyrtare, sipas organizatave që kanë në fokus personat me aftësi të kufizuara, në tregun e punës kanë mundur të futen jo më shumës e 20 për qind e tyre.
Dhe sikur të mungonte, disa prej tyre madje humbën e edhe punën gjatë pandemisë. Gjithashtu, problem vijon të mbetet edhe mungesa e informacionit për t’u integruar në tregun e punës.
Për personat me aftësi të kufizuara, problematike mbeten gjithashtu masat e pagesës së aftësisë së kufizuar apo trajtimi i specializuar nga ana e institucioneve.
A2