Reshje dëbore me intensitet të lartë kanë zbardhur Librazhdin, ku trashësia ka arritur rreth 10-15 cm. Ndërkohë, temperaturat kanë zbritur deri në -2 gradë.
Vazhdon të bjerë dëborë me intesitet në lartësinë mbi 700 metra mbi nivelin e detit në Parkun Kombëtar Shebenik.
Mësohet se nuk ka probleme me qarkullimin dhe nuk ka rrugë të bllokuara, teksa policia këshillon drejtuesit e mjeteve për lëvizje në këto zona me zinxhirë apo goma dimërore. ARRSH u ka bërë thirrje drejtuesve të mjeteve të kenë kujdes të shtuar gjatë drejtimit të mjetit për shkak të lagështisë në rrugë.
Ndërkohë, për shkak të reshjeve me intenistet të lartë paralajmërohet se aksi nacional Librazhd-Bulqizë, Prrenjas-Qaf Thanë dhe disa fshatra si Steblevë, Qarrishtë, Rrajcë-Skenderbej, Stravaj, mund të bllokohen gjatë orëve në vijim.
