Trupi ynë është një makinë perfekte dhe e mrekullueshme. Sidoqoftë, nuk arrijmë ta kuptojmë kurrë se sa e rëndësishme është fuqia e mendjes mbi trupin tonë. Çdo gjë që jetojmë, gjithçka që ndiejmë, filtrohet nga syri vigjilent i mendjes sonë.
Edhe ndjenjat tona amplifikohen kur një person na çmend. Në të vërtetë, marrëdhëniet më të mira, ato më pasionantet, fillojnë në mënyrë paradoksale më shumë nga koka sesa nga zemra. Dhimbja është edhe më e madhe kur racionalizojmë një situatë. Sa më shumë të mendoni për të, aq më shumë vuani prej saj. Shpesh, për të zhvarrosur një vuajtje, e vetmja gjë që duhet të bëni është të shkëputni trurin.
Mendja nuk ju lejon të flini. Kur diçka ju shqetëson, vështirë se do të keni mundësi të mbyllni sytë. Të gjithë e kanë provuar. E vërteta është se mendja jonë përfshihet në çdo aspekt të jetës sonë. Dhe shumicën e kohës, sëmuremi kur nuk mund ta kontrollojmë. Kur mendimet negative dhe pesimiste marrin përsipër, ndjesia negative që rezulton përshkon gjithë trupin dhe, në afat të gjatë, na bën të sëmurë.
Largimi i mendimeve negative, filtrimi i tyre me syrin kritik të mendjes, do të thotë që ruhesh nga sëmundja. Një person që merret me problemet me një qëndrim proaktiv është një person i cili, pavarësisht si shkojnë gjërat, tashmë ka fituar. Nëse gjërat shkojnë mirë, është fitore, në rast të kundërt është mësim. Pasi në fund të fundit kështu është jeta, jo gjithçka shkon gjithmonë ashtu siç ne dëshirojmë. Ajo që ne mund të kontrollojmë është se si reagojmë ndaj asaj që na ndodh dhe kjo është ajo që bën ndryshimin.
Të përvetësosh shumë negativitetin e situatave që na ndodhin, do të thotë që herët a vonë t’u nënshtrohesh atyre. Dhe ju mund të rezistoni për aq kohë sa dëshironi, por herët a vonë trupi do të sëmuret.
Bota sot
