Dua Lipa ka qenë në qendër të vëmendjes ditët e fundit pas performancës së shkëlqyer që dhuroi në “Grammy Awards”. Ajo u vlerësua me çmimin albumi më i mirë i zhanrit pop për “Future Nostalgia”. Interpretimi mbresëlënës ka bërë për vete shikuesit, dhe ndër ta është dhe vajza tre vjeçare e Kylie Jenner.
Ka qenë kjo e fundit, e cila ka bërë me dije përmes një postimi në rrjete sociale, se dhe vogëlushja e saj, Stormi është fiksuar pas performancës së saj. Stormi shihet duke kërcyer nën ritmet e muzikës së këngëtares shqiptare dhe duket se po e shijonte këngën në maksimum.
Dua është radhitur gjithashtu nga revista “Vogue” në mesin e artisteve që shkëlqyen me paraqitjen në eveniment. Fustani i punuar nga Donatella Versace e bëri atë që listohej pranë Megan Thee Stallion, Billie Ellish, Taylor Swift, Beyonce etj si personazhet e veshur më mirë. /abcnews.al
