Zgjoheni në mëngjes me gojë të thatë? Zbuloni arsyet dhe si mund ta parandalojmë

0
233

Të gjithëve na ka ndodhur që një mëngjes të zgjohemi me gojë të thatë.

Megjithatë, nëse është diçka që ndodh shpesh, atëherë ndoshta nuk është një fenomen i rastësishëm, por  duhet trajtuar.

Tharja e gojës ndodh kur nuk prodhohet mjaftueshëm pështymë. Sipas Klinikës Cleveland, mungesa e pështymës është zakonisht një simptomë ose efekt anësor i një problemi tjetër shëndetësor. Frank A. Scannapieco, periodontist, mikrobiolog dhe kryetar i biologjisë orale në Universitetin në Shkollën e Stomatologjisë Buffalo zbulon shkaqet rrënjësore të gojës së thatë dhe sugjeron zgjidhje.

Goja e thatë shpesh vepron si një shenjë se i gjithë trupi është i dehidratuar. Kur trupit i mungojnë lëngjet e nevojshme, ai nuk është në gjendje të prodhojë pështymë, e cila përbëhet pothuajse tërësisht nga uji, duke çuar në tharjen e gojës.

A zgjoheni me gojë hapur? Nëse po, atëherë ky zakon mund të jetë fajtori për gojën tuaj të thatë. “Indet e gojës bëhen të thata, veçanërisht ato më afër buzëve”, shpjegon Dr. Scannapieco. Frymëmarrja me gojë shihet më shpesh kur ka kongjestion. Një hundë e bllokuar vështirëson frymëmarrjen e hundës, kështu që pastrimi i sinuseve para gjumit do të ndihmojë në parandalimin e tharjes së gojës.

Nëse gërhitni rregullisht dhe zgjoheni çdo ditë me gojë të thatë, mund të vuani nga apnea e gjumit, një çrregullim gjumi i karakterizuar nga frymëmarrje jonormale gjatë gjumit. Njerëzit me këtë sëmundje përjetojnë probleme me frymëmarrjen dhe gërhitje me zë të lartë, sipas klinikës Mayo. Këto simptoma shpesh e detyrojnë të sëmurin të marrë frymë përmes gojës, duke intensifikuar tharjen e gojës.

Disa ilaçe ndikojnë në zgavrën e gojës, duke reduktuar rrjedhjen e pështymës. “Shumë ilaçe veprojnë në sistemin nervor qendror ose në qelizat sekretuese të gjëndrave të pështymës, duke reduktuar sekretimin e pështymës”, shpjegon Dr. Scannapieco. Barna të tilla janë antidepresantët, antihistaminikët, dekongestantët, relaksuesit e muskujve, qetësuesit e dhimbjeve, por edhe ato që përdoren për trajtimin e fshikëzës tepër aktive. Tharja e gojës është më e zakonshme tek njerëzit e moshuar, gjë që mund të shpjegohet me faktin se këta njerëz priren të marrin më shumë ilaçe.

Përveç apnesë së gjumit, ka disa kushte më serioze që mund të shkaktojnë tharje të gojës. Për shembull, disa sëmundje autoimune, si artriti reumatoid dhe sindroma Sjogren, shfaqin efekte në gjëndrat e pështymës, informon Dr. Scannapieco. Diabeti, një goditje në tru, një infeksion i majave orale dhe sëmundja e Alzheimerit mund të lidhen gjithashtu me gojën e thatë, shton Klinika Mayo.

Pirja e pijeve me kafeinë ose alkoolike në pasdite ose në mbrëmje mund të jetë fajtori pas qiellzës së thatë. Kjo për shkak se kafeina dhe alkooli janë dehidratues të butë, gjë që mund të çojë në tharje të gojës, sipas Institutit Kombëtar të Kërkimeve Dentare dhe Kraniofaciale.

Mënyra për të parandaluar tharjen e gojës

Dr. Scannapieco sugjeron 6 taktika të thjeshta për t’ju ndihmuar të menaxhoni ose madje të trajtoni plotësisht gojën e thatë:

– Konsultohuni me mjekun tuaj

– Pini shumë ujë

– Shmangni alkoolin dhe pijet me kafeinë

– Bëjeni higjienën orale prioritet

 

Top Channel