Dy të huaj, një 42-vjeçar dhe një 22-vjeçar u arrestuan më 21 shtator nga Departamenti i Krimeve Pronësore në Drejtorinë e Sigurimit të Atikës, për grabitje të bankave dhe degëve të lojërave të fatit.
Sipas medias greke, 42-vjeçari me origjinë shqiptare mësohet se është autori i 11 grabitjeve në banka dhe degë lojërash fati në zona të ndryshme të Atikës.
I arrestuari ka hyrë me kapele dhe maskë në ambientet e mësipërme dhe i ka grabitur nën kërcënimin e armës
Deri më tani është konstatuar pjesëmarrja e 22-vjeçarit, me origjinë bullgare, në një grabitje banke, ndërsa po hetohet edhe përfshirja e tij në të tjera.
Pritet që pas përfundimit të hetimeve të tjera detaje të dalin nga veprat që ka kryer shqiptari dhe bullgari.
