Importuam 8 herë më pak, shqiptarët preferojnë vajin e ullirit vendas, rriten eksportet

0
125

Mbiprodhimi i vajit të ullirit që shqetësoi fermerët duket se ka gjetur një zgjidhje me rritjen e eksportimin jashtë vendit, teksa konsumatori vendas ka preferuar prodhimin shqiptar, duke ulur ndjeshëm kërkesën e tregut tonë për markat e huaja.

Në 8 muajt e parë të vitit, sipas të dhënave, zyrtare nga Drejtoria e Përgjithshme e Doganave importet e vajit të ullirit ranë ndjeshëm si në sasi dhe në vlerë.

Për periudhën janar-gusht 2023, importuam 22,5 ton vaj ulliri me vlerë 18 milionë lekë ose thënë ndryshe një rënie 8 herë në sasi dhe afro 6 herë në vlerë gjatë kësaj periudhe, krahasuar me një vit më parë.

Orientimi i konsumatorëve në tregun vendas por dhe nxitja e prodhuesve për eksportimin e stokut sipas Kryetarit të Këshillit të Agrobiznesit, Agim Rrapaj solli edhe këtë situatë pozitive për fermerët shqiptarë pas një viti krize.