20.6 C
Elbasan

89 të arrestuar dhe 527 leje drejtimi të hequra gjatë korrikut

Policia Rrugore ka vijuar kontrollet edhe gjatë mbrëmjes së djeshme në rrugën interurbane Tiranë-Elbasan, ku janë konstatuar me radar shpejtësi që cënojnë sigurinë e jetës deri në 165 – 176 km/h.
Rrugorët e kryeqytetit vijojnë patrullimet dhe kontrollet parandaluese në rrugët urbane dhe interurbane, duke përdorur të gjitha kapacitetet teknike dhe njerëzore në funksion të sigurisë.
Për 4 orë monitorim, u pezulluan 10 leje drejtimi dhe u vendosën 22 masa administrative për shpejtësi mbi normën e lejuar, por pa sanksionin plotësues të pezullimit të lejes së drejtimit.
“Duke vlerësuar shqetësimin qytetar dhe rrezikun që shkakton shkelja e rregullave të qarkullimit rrugor, e adresuar në forma dhe mënyra të ndryshme, e ndërsa pritet një reflektim pozitiv nga përdoruesit e rrugës, konstatimet e rrugorëve, telefonatat dhe denoncimet e qytetarëve nëpërmjet aplikacionit të Komisariatit Dixhital, tregojnë se ka akoma shumë punë për të disiplinuar të “pabindurit” dhe “vrasësit e sigurisë në rrugë”. Mjafton të referosh disa nga shkeljet kryesore të evidentuara përgjatë muajit korrik nga Policia Rrugore e kryeqytetit, të cilat mbartin jo vetëm disa numra statistikor, por dhe shkallën e lartë të rrezikut dhe neglizhencës që karakterizon akoma drejtuesit e mjeteve, që vijojnë të luajnë me sigurinë e jetës së tyre dhe të të tjerëve në rrugë”, thuhet në njoftimin e Policisë.
Gjatë muajit korrik, nga Policia Rrugore e Tiranës janë arrestuar për drejtim mjeti në gjendje të dehur 38 drejtues mjetesh dhe 33 të tjerë pa leje drejtimi.
Po ashtu, 18 drejtues mjetesh u arrestuan në flagrancë për “Korrupsion aktiv ndaj personave që ushtrojnë funksione publike”, ndërsa 13 të tjerë u proceduan penalisht për përdorim të simboleve të Policisë së Shtetit.
Policia pezulloi 572 leje drejtimi, nga të cilat 172 për drejtim mjeti nën efektin e alkoolit, 276 për shpejtësi mbi normat e lejuara dhe 124 për shkelje të tjera të rregullave të qarkullimit rrugor.
/m.m/r.e/

Lajme të tjera

Luana Vjollca i vë “flakën” Instagramit, reklamon linjat trupore në plazh

Moderatorja dhe këngëtarja Luana Vjollca është një nga emrat më të komentuar në rrjetet sociale, jo vetëm për karrierën, por edhe për format e...

Tronditet Volos, shqiptari masakron gruan para 4 fëmijëve! Mediat greke: Mariola u përpoq të ikte, por ai e ndoqi nëpër shkallë dhe e vrau

Mariola Nakoleci, 36 vjeçe dhe nënë e katër fëmijëve, ka ndërruar jetë në zonën e Volosit në Greqi. Ajo është qëlluar disa herë me...

E FUNDIT/ Arrestohet vajza e Eli Farës kapet me sasi kokaine në makinë

Marina Fara, vajza e këngëtares së mirënjohur Eli Fara është arrestuar ditën e sotme nga Policia e Tiranës. Marina e cila emrin në dokumente e...

Krim në sy të fëmijëve, shqiptari vret gruan në Greqi

Një krim brutal në Volos , ku një burrë 40-vjeçar vrau gruan e tij 36-vjeçare, me të cilën ka katër fëmijë, dhe më pas u arratis. Krimi...

Burrat në Gramsh nuk zën mend! Djegin sërisht pyllin

Gramsh/Ndezën zjarrin në fshatin Bersnik i Poshtëm, që dogji një sipërfaqe pylli dhe rrezikoi banesat përreth, arrestohet në flagrancë 26-vjeçari, procedohet penalisht babai i...

Shokë burgu në Greqi/ Kush e shoqëronte Ramadan Zoton në Korçë, në shtëpinë e tij në Fier u gjet arsenal armësh

Merr fund arratia e Ramadan Zoto. Ai ishte shpallur në kërkim nga Policia pasi akuzohet për plagosje të dyfishtë në Sarandë në korrik të...