23 C
Elbasan

A do të bëhet Rama mbret? Kryeministri: Unë nuk punoj që të humbë PS-ja

Kryeministri Rama në daljen e sotme para gazetarëve tha se marrëveshja e 5 qershorit është në parlament dhe është futur në procedurë.

Pyetur nëse këto ndryshime të pa diskutuara me opozitën do të prodhojnë një krizë të re, Rama u përgjigj se nuk po ndryshohen rregullat e lojë dhe se kush kërkon alibi për të krijuar situata konflikti nuk ka zor t’i gjejë.

Pyetje: Ju po ndryshoni disa rregulla loje, duke anashkaluar opozitën jashtëparlamentare. Apo rrezikoni kështu konsensusin e marrëveshjes së 5 qershorit dhe po dilni kundër ndërkombëtareve që janë investuar në këtë marrëveshje. Nëse shqiptarët i donin listat e hapura, pse PS nuk  e ka pasur një kauzë të vetën si me votën e emigrantëve.

Rama: Kjo tregon se PS ëhstë një qenie e hapur me sy e veshë dhe ëhstë një qenie që arsyeton e që vendos. Nuk e kemi pasur kauzë listat e hapura sepse nuk kanë qenë kauzë e partive të mëdha. Në popullin shqiptar gjatë viti të fundit ka ndodhur një ndryshim i rëndësishëm edhe si rezultat të përditshëm që ka bërë opozita parlamentare për listat e hapura. Kjo ka qenë në vëmendjen tonë. Për ne ka qenë e qartë qysh në krye të herës, nuk kemi probleme të diskutojmë edhe çështje të sistemit, por fillimisht duhet të bëjmë kodin.

Kam admirim për angazhimin dhe këmbënguljen e ambasadores Yuri Kim dhe miqve të tjerë, për realizimin e asaj marrëveshjeve. E kam thënë që ajo marrëveshje u bë në një ambasadë dhe me të huaj, por ka qenë e domosdoshme. Ne nuk do të mbajmë peng marrëveshjen dhe ajo është përkthyer në tekst e është në Parlament dhe ëhstë në procedurë.

Nëse kalojmë Kodin në Kuvend dhe del një pikë që mungon apo që është tjetërsuar, atëherë le të na e thonë se cila ëhstë. Nuk mund të ndalohet Kuvendi dhe PS-ja që të shkojnë përtej kornizës, jo për të bërë Edi Ramën mbret, por për t’i dhënë më shumë pushtet qytetarëve në zgjedhje.

Pyetje: Mund të prodhojë sërish krizë kjo pasi këto pika nuk janë diskutuar me opozitën dhe listat e hapura po i bëni se i duan shqiptarët apo se doni të hiqni mundësinë e koalicioneve parazgjedhore, që do të ishte një mundësi që Rama të bëhej mbret?

Rama: Se Edi Rama fiton zgjedhjet? Tani është e qartë që unë punoj që PS të mos humbë. Unë nuk punon që të humbasë PS dhe të fitojë PD e Lulzim Basha. Jam i gatshëm që ta bëj Bashën pjesë të fitores, por nuk mund të punoj me PS-në që të bëjmë gjithçka që të humbasin. Ky nuk është ndryshim i rregullave të lojës. Rregullat janë të shkruara në marrëveshje. Ky është një ndryshim që fut qytetarët në lojë më shumë se sa janë sot. Kush kërkon alibi për të krijuar situata konflikti e kemi parë që nuk ka zor t’i gjejë alibitë, por nuk jam këtu për të menaxhuar problemet psikologjike të askujt, por jam këtu për të drejtuar forcën më të madhe politike. Kurrë nuk do të pranoja unë me dëshirën tonë, që administrata zgjedhore sot të vazhdojë të jetë politike.

Në daljen e tij për shtyp kryeministri Rama tha se listat e hapura e bëjnë të pamundur sistemin aktual të koalicioneve.

Sipas Ramës, kjo bën që të kemi në një fletë votimi, me 40 parti këtej dhe 40 andej, nga 35 kandidatë në Tiranë, “një fletë votimi që do të ishte një qilim nga universiteti deri te monumenti i Skënderbeut.”

Rama: Nuk kam unë dëshirë që të vazhdoj të pikturohem si njeriu që do të kontrollojë gjithçka, do listat e mbyllura. Por koha do e tregojnë se nuk janë recetë çudibërëse. Unë besoj që mundësia që qytetarët të kenë edhe një zgjedhje preferenciale në listën e deputetëve në subjektin politik që zgjedhin është absolutisht detyrim në këto kushte. Nevoja e një lidhje me direkte dhe një pranie më të madhe të të zgjedhurve pranë zgjedhësve mund të shërbehet më mirë, kur deputeti e di që rikonfirmimi i tij do të varet nga mendimi i qytetarëve.

Patjetër që listat e hapura e bëjnë të pamundur formulën aktuale të koalicioneve, se i bie që të kemi në një fletë votimi, llogariteni, aritmetikisht, 40 parti këtej dhe 40 andej, nga 35 kandidatë në Tiranë, një fletë votimi që do të ishte një qilim nga universiteti deri te monumenti i Skënderbeut. Por kjo nuk do të thotë se kemi ndonjë tendencë apo qëllim që të pengojmë marrëveshjet, kjo është çështje e tyre.

ora news

Lajme të tjera

Aksident tragjik në Slloveni, të paktën 5 viktima

Një aksident tragjik ka ndodhur në Slloveni. Të paktën pesë persona kanë humbur jetën ndërsa dy të tjera janë plagosur. Një fugon është përplasur me...

Elbasan/ Fshihnin të ardhurat, procedohen penalisht administratorët e 8 “exchange-ve”

DVP Elbasan/Finalizohet operacioni policor i koduar “The Script”. Fshihnin të ardhurat që përfitonin nga këmbimi i valutave, procedohen penalisht administratorët e 8 subjekteve. ...

Aksident në Borsh, dy viktima dhe dy të plagosur

Një aksident i rëndë është regjistruar në afërsi të Borshit. Mësohet se një furgon është përplasur me një automjet. Burime paraprake bëjnë me dije se...

Vrau efektivin e Forcave Shqiponja/ Gjykata e Fierit dënon me burgim të përjetshëm Azgan Mërnicën

Azgan Mërnica dënohet me burgim përjetë. Gjykata e Fierit mori vendimin sot. Mërnica 24-vjeç vrau në maj të vitit 2024 efektivin e forcave Shqiponja...

Dënohet me 2 vite burg Jorgo Gora

GJKKO dënon ish-kryebashkiakun e Himarës, Jorgo Goro. Ai dënohet me 2 vite burg për tjetërsimin e një prone në plazhin e Livadhit, por për...

Pamje prekëse nga tërmeti në Rusi, mjekët vijojnë operacionin në sallë gjatë lëkundjeve të forta

Pamjet e kamerave të sigurisë të regjistruara në Qendrën e Onkologjisë në Kamchatka kanë kapur momentin kur një dridhje me magnitudë 8.8 goditi gjatë...