Drejtori i Përgjithshëm i policisë së Shtetit, Ardi Veliu, nga Elbasani ka thënë se i vetmi institucion përgjegjës për ruajtjen e territorit është Policia e Shtetit.
Gjatë një konference për shtyp, Veliu, thotë se subjektet politike nuk kanë të drejtë që të krijojnë struktura paralele për ruajtjen e votës.
“I vetmi institucion përgjegjës për ruajtjen e territorit është policia e shtetit. Nuk është përcaktuar që subjektet politike të krijojnë struktuara paralele për ruajtjen e votës. Policia e Shtetit dhe ajo Elbasanit janë një. Në Elbasan deri dje nuk ka pasur raste të evidentueshme të dhunës. Ne kemi përgatitur të gjithë planet dhe kapacitete e nevojshme për çdo lloj situata. Policia është e aftë për të menaxhuar çdo lloj situate.”
