Dy shqiptarë që banojnë në Altamura, Itali, u arrestuan në Matera nga karabinierët gjatë kontorllit për drogë. Dy burrat, 30 dhe 36 vjeç, të njohur për Policinë, u ndaluan për një kontroll në Santa Candida.
Aty, një 52-vjeçar nga Matera, me një biçikletë elektrike, po qëndronte pranë makinës së tyre “Fiat 500 L” ku ata ndodheshin.
Pasi vëzhgoi lëvizjet dhe vërejti një shkëmbim të shpejtë, policia ndërhyri, duke ndalur së pari makinën dhe më pas burrin me biçikletë.
Dy shqiptarëve iu gjetën 5000 eurove ndërsa italianit nga Matera dy qese, njëra që përmbante 20 gram heroinë, tjetra 18 gr kokainë, që sapo i ishin shitur.
Kërkimet u shtrinë në shtëpitë e tyre dhe në shtëpinë e 52-vjeçarit u gjetën edhe 6 gramë të tjera heroinë dhe 1 gr kokainë. Për italianin u bë denoncimi, kurse dy shqiptarët përfunduan në burg në Matera.
