Kryetari i Partisë Socialdemokrate të Kosovës Dardan Molliqaj së bashku me një grup mbështetësish janë arrestuar sot në stacionin kryesor të Policisë në Prishtinë.
Molliqaj, që është njëkohësisht edhe bashkëshorti i ish-ministres së Arsimit Besa Shahini, së bashku me një grup njerëzish kanë shkruar në muret e policisë “Për partinë tubime, për qytetarët dënime”.
Protesta ka nisur si mënyrë për të shprehur pakënaqësitë ndaj qasjes së Policisë ndaj partive politike, që sipas tyre po shkelin masat kundër koronavirusit.
Efektivët janë përballur edhe me rezistencë nga ana e tyre, teksa arrestimi ka qenë i dhunshëm. Ka pasur edhe aktivistë të arrestuar.
