15 vullnetarë deri tani kanë aplikuar për të dhuruar gjak për të kuruar të prekurit me koronavirus.
Të gjithë vullnetarët do të kalojnë më pas në një studim për negativizimin e plotë të tyre. Ndërkohë, ende nuk është përcaktuar një datë konkrete se kur do të nisë aplikimi i kësaj terapie te pacientët.
Këtë të mërkurë (19 gusht), u bë dhurimi i parë i gjakut për të trajtuar të prekurit me koronavirus përmes antitrupave, por ende nuk ka një datë konkrete se kur do të nisë aplikimi i kësaj kure të pacinetët.
Mësohet se kurimi me plazmë do të kryhet te të gjithë pacientët e shtruar në dy spitalet covid, ndërkohë mësohet se graviteti i sëmundjes është kriteri kryesor i përzgjedhjes së pacientëve, ndërsa përjashtohen nga kjo listë ata pacientë që kanë simptoma të lehta të covid apo janë në fazë rikuperimi.
Deri tani janë 15 qytetarë të cilët kanë aplikuar në faqen e ministrisë së Shëndetësisë për u bërë pjesë e nismës “bëhu heroi i dikujt” për të ndihmuar në kurimin e personave aktiv me covid.
Të gjitha aplikantët po studiohen nga ISHP për negativizimin e tyre dhe dhe plotësimin e fazës 28 ditore nga momenti i infektimit.
Vullnetarë të kësaj nisme mund të behen të gjithë qytetarët që kanë kaluar koronavirusin dhe janë të moshës nga 18 në 65 vjeç, përjashtim bëjnë gratë që kanë kaluar një shtatëzani.
Ora news
