Kreu i Grupit Parlamentar të Partisë Socialiste Taulant Balla është takuar në Shkup me kryeministrin e Maqedonisë së Veriut Zoran Zaev. Balla thotë se gjatë takimit ndau vlerësimin e përbashkët se raportet mes dy krerëve të qeverisë së dy vendeve janë faktor bazë mbi të cilin po zhvillohen marrëdhëniet e mira fqinjësore.
“Gjatë takimit me Kryeministrin Zaev ndamë vlerësimin e përbashkët se raportet miqësore midis kryeministrave Zaev dhe Rama, janë një faktor bazë e i rëndësishëm mbi të cilin po zhvillohen marrëdhëniet e mira fqinjësore mes Maqedonisë së Veriut dhe Shqipërisë.
Marrëdhëniet e shkëlqyera mes dy kryeministrave Rama dhe Zaev janë gjithashtu një shembull i mirë në rajon dhe një tregues se “atje ku ka vullnet politik, ka respekt të ndërsjellë dhe bashkëpunim të suksesshëm”. Të dy vendet tona besojnë dhe promovojnë të njëjtat vlera europiane.
“Të gjitha angazhimet për të ardhmen europiane të vendeve tona janë gjithashtu angazhime për europianizimin e shteteve, me qëllim të një jete më të mirë për qytetarët. Rajoni ka nevojë për miqësi dhe bashkëpunim dhe ato po ndodhin”, tha Kryeministri Zaev.
Gjithashtu gjatë takimit shkëmbyem informacione edhe për avancimin e projekteve të infrastrukturës, lehtësimet kufitare, bujqësinë si dhe zgjerimin e bashkëpunimit ekonomik midis dy vendeve, duke e parë rajonin si një treg i përbashkët, i cili mund të jetë më tërheqës për Europën dhe Botën.
Një temë tjetër diskutimi ishte edhe kujdesi për bashkësitë etnike në të dyja vendet, duke theksuar se ato janë një urë miqësie midis dy vendeve tona.
Në këtë takim merrnin pjesë nga pala maqedonase edhe Zëvendës Kryeministri Ljupço Nikollovski, njëkohësisht edhe Sekretar i Përgjithshëm i LSDM. Sëbashku në këtë vizitë ishin edhe deputeti i Kuvendit të Shqipërisë Vasil Sterjovski dhe Kryetari i Bashkisë Prrenjas Nuri Belba”, shkruan Balla.
abc
