Lulzim Basha e ka konsideruar të prishur marrëveshjen e arritur në Këshillin Politik për Reformën Zgjedhore, e cila u arrit me konsensusin e ndërkombëtarëve.
“Edi Rama ka prishur marrëveshjen e 5 Qershorit, që ndodhi me ndërmjetësimin e SHBA-ve, BE-së dhe Britanisë së Madhe”, u shpreh Basha në një dalje për mediat.
Basha tha se me veprimin e sotëm, ku Rama po ndryshon Kushtetutën pa konsensus të gjerë politik, ishte një veprim përtej çdo imagjinate, duke ia kaluar madje dhe Ramiz Alisë.
“Njeriu më i tmerruar nga zgjedhjet e ardhshme. Tmerri dhe ankthi i Ramës për humbjen e pushtetit ka kohë që manifestohet me gjuhën dhe veprimet e tij, por sot ka arritur një majë papërgjegjshmërie që nuk e ka pasur as Ramiz Alia në ditët e fundit.”, deklaroi Basha.
Basha theksoi se Rama nuk ka frikën e listave të hapura, por koalicionet që sipas kreut të PD-së do të sjellin fundin politik të PS-së.
fax web
