Kreu i Partisë Demokratike, Lulzim Basha, pas mbledhjes me nënkryetarët e degëve dhe pas konferencës së zhvilluar nga Berisha pak më parë në sallën ngjitur ka reaguar në lidhje e incidentin e ndodhur në Partinë Demokratike.
Basha ka rikthyer sërish fokusin në aferën e inceneratorëve ku ka theksuar se një ditë më parë ishte lajmi për dorëheqjen e Engjëlll Llagaçi, ndërsa sot një gjë e tillë nuk është vërtetuar dhe i vetmi fakt për këtë aferë është arrestimi i Lefter Kokës.
Ndërkohë i është drejtuar Sali Berishës, duke i thënë se me lëvizjen e sotme vërtetoi se po bëhet pengesë për aksionin opozitar.
“Ne jem të fokusuar te njerëzit. Fundi i vitit po afron, ndërkohë që një nga skandalet më të mëdha ka plasur, skandali i inceneratorëve. Dje është përhapur lajmi se Ëngjëll Agaci është dorëhequr, por sot nuk konfirmohet ky lajmi. Arrestimi i Lefter Kokës është akt për t’u përshëndetur, por i paplotë nëse nuk shoqërohet me arrestime të tjera. Shqiptarët e dinë se Lefter Koka nuk ka vepruar i vetëm. Shqiptarët e dinë që 17 vendime u kaluan brenda natës. Për më shumë se katër muaj PD, që denoncoi dhe bëri të mundur nisjen e hetimeve, ka nisur edhe përpjekjet për transparencën e plotë parlamentare. I bëj thirrje Felajt dhe Ramës të mos pengojnë seancën e komisionit për inceneratorët, që do të zhvillohet në orën 12:00, ditën e nesërme, sepse po kryejnë vepër penale, por edhe po vetëzbulohen si autorë dhe bashkuatorë të kësaj afere.
Është bërë mullar me prova, se tek inceneratorët dhe me inceneratorët është e lidhur gjithë kupola qeveritare dhe nesër komisioni hetmor do të tregojë si u abuzua me miliona euro. Ndërkohë që ne jemi të fokusuar te ky problem që ka lidhje me korrupsionin qeveritar, Sali Berisha vërtetoi edhe njëherë se misioni i tij po bëhet pengesë për aksionin opozitar.Ai s’ka bërë asgjë për ato që ka premtuar, por është bërë pengesë për hetimin e inceneratorëve”, u shpreh Basha./abcnews.al
