COVID-19 ka mbërritur dhe në Pogradec, duke shënuar kështu 3 rastet e para në këtë qytet. Bëhet fjalë për 3 punonjësve të një konsultoreje të cilat mendohet se nuk kanë patur ndonjë histori kontaktesh me personat e infektuar. Pas 8 tamponëve të marrë nga Njësia Vendore e Kujdesit Shëndetësor në Pogradec, 3 punonjëset e një konsultoreje fëmijësh në një prej rrugëve kryesore të qytetit kanë rezultuar pozitiv. Nga ana e kësaj njësie ka filluar gjurmimi i të tre rasteve me qëllim shkëputjen e zinxhirit të transmetimit tek personat e tjerë.
Për këtë, mjekët epidemiologë kanë tërhequr të gjitha kartelat e vizitave të kryera në këtë konsultore me qëllim gjurmimin e rasteve të tjera ashtu siç kanë kontaktuar familjarët dhe persona të tjerë kontakti me të 3 rastet që tashmë rezultojnë pozitivë.
realnews
