25 C
Elbasan

Covid 19 nuk zgjedh! Mjekja infeksioniste: Moshat e reja po shfaqin shenja të rënda

Covid 19 nuk zgjedh! Mjekët në spitalin Infektiv tregojnë se javët e fundit po përballen me fluks të shtuar pacientësh që kanë nevojë për ndihmën e tyre dhe të sëmurë të moshave të reja, që po shfaqin shenja të rënda të  Covid-19.

 “Janë të sëmurë që paraqiten nga simptomat mesatare deri në ato më të agravuara. Në këto ditë që jemi në një fluks më të ri të rasteve i kemi parë të gjitha grupmoshat. Duke filluar në nga 20-30 vjeçarët deri tek grupmosha e tretë. Në momentin që flasim relativisht mund të themi që janë të rinj, kemi një pacient në terapi intensive”, tregon mjekja infeksioniste Entela Kolovani.

Ecuria e Covid 19 shprehet mjekja infeksioniste Entela Kolovani varet nga sëmundjet e tjera të pacientit dhe koha që ai paraqitet në spital.

Rastet që të sëmurë me koronavirus shkojnë vonë në spital nuk mungojnë.

“Nëse pacientët vijnë sepse kanë qëndruar gjatë në shtëpi me probleme sidomos respiratorë të rënda, apo janë të sëmurë që mjekohen me ilaçe komplekse, sidomos ato me probleme kardiovaskulare apo diabet, sigurisht që predispozita për të mos shkuar mirë është më e lartë sesa tek pacientët e tjerë, që janë më të shëndetshëm apo vijnë në ditët e duhura në spital”, u shpreh ajo.

Rregulli i artë i sëmundjeve infektive sipas mjekëve është parandalimi.

Infeksionistja Kolovani përsërit thirrjen drejtuar qytetarëve për të ruajtur distancimin fizik dhe për të mos neglizhuar mbajtjen e maskës./abcnews.al/

Lajme të tjera

Plas’ brenda koalicionit të PD, Berisha u mbyll kutitë kandidatëve, Meta kërkon rinumërim votash

Partia e Lirisë kërkon rinumërimin e votave në Kavajë. Sekretari i Përgjithshëm i PL, Tedi Blushi depoziton kërkesën zyrtare në KQZ. Blushi: Të rinumërohen të gjithë...

Nuk u vendosnin gjoba për shkelje shoferëve të makinave, Prokuroria e Elbasanit çon në gjyq 6 policë

Prokuroria e Elbasanit ka çuar në gjyq 6 punonjës policie, pasi dyshohet se nuk vendosnin gjoba ndaj drejtuesve të automjeteve që shkelin rregullat e...

Elseid Hysaj: Të mos përsëritet ndeshja e Beogradit, nuk është një i imazh i bukur për ne

Në prag të përballjes delikate dhe shumë të rëndësishme mes Shqipërisë dhe Serbisë, mbrojtësi kuqezi Elseid Hysaj ka folur për atmosferën në ekip dhe...

ROMANI KRIMINAL I ELBASANIT/ Nga atentatet e dështuara për eliminim tek “Masakra eBradasheshit” – Rrëfimi i të penduarit Erion Alibej

Në kohën kur Elbasani ishte nën “kthetrat” e krimit dhe kur shumë vrasje po trondisnin vendin, “fajtorët” kërkoheshin në radhët e Policisë. E ndoshta,...

Pesë Arsye Përse Duhet të Hani Vezë më Shpesh

Veza është një nga ushqimet më të shëndetshme për njeriun që ka pësuar një rikthim triumfues, pas pretendimeve për rolin e saj negativ në...

“Etja” për punonjës, shkollat profesionale të aplikojnë sistemin dual

Shkolla e Mesme Profesionale “Thoma Papapano” në Gjirokastër po shihet si një nga mundësitë më të mira për të rinjtë, jo vetëm për të...