Gjykata e Posaçme kundër Korrupsionit dhe Krimit të Organizuar ka pranuar kërkesën e SPAK duke dënuar me 2 vite burg ish-kryeprokurorin, Adriatik Llalla.
Veç dënimit me burg është vendosur edhe konfiskimi i pasurisë së tij.
“Gjykata ka vendosur dënimin e ish-kryeprokurorit, Adriatik Llalla, me 2 vite burg, 5 vjet heqjen e të drejtës së ushtrimit të funksioneve publike ndërkohë që i ka konsfiskuar pasuritë që ishin objekt hetimi. Bëhet fjalë për një apartament në Durrës 60 metra katrorë dhe tre sipërfaqe tokë arë që i posedonte” raporton gazetarja Keti Banushi.
Llalla akuzohet për fshehje të pasurisë në tre raste. Ai ishte i pranishëm në seancë së bashku me avokatin për njohjen me vendimin.
Pritet që vendimi i dhënë nga gjykata të apelohet nga avokati i Llallës. Në raste të ngjashme për këto akuza është kërkuar dënim me provë, por për zotin Llala nuk u aplikua ky dënim.
Ish-kryeprokurori pak javë më parë hoqi dorë nga gjykimi i shkurtuar që mund ti kishte ulur 1/3 e dënimit.
Në seancën e mbajtur gjatë paradites, u paraqitën konkluzionet nga mbrojtja. Avokati mbrojtës, Sokol Hazizi, kërkoi pafajësinë e Llallës dhe heqjen e sekuestros me pretendimin se procesi ndaj tij është i stisur për shkak të
Sipas avokatit procesi ndaj Llallës është i stisur për shkak të pozicionit të tij si ish-kreu i akuzës dhe ish -kreut të ILDKPI.
Sipas avokatit kjo është një çështje e paragjykuar.
Sipas avokatit, 7 mijë e 50 euro shpenzime që ka bërë në Gjermani me familjen, të cilën e kishte dërguar atje për shkak të kërcënimeve, i ka marrë borxh
Edhe për shumën rreth 7 mijë dollarë për lindjen e djalit në SHBA, avokati tha se ” pagesat janë bërë nga një mik i tij shqiptaro-amerikan, i cili erdhi dëshmoi para jush dhe po ju dorëzojmë faturat origjinale të pagesave në bankë”.
ora tv
