Kryeministri Edi Rama vlerësoi një përparim për Kosovën në rrafshin diplomatik duke përgëzuar qëndrimin e kryeministrit Hoti për dialogun Kosovë- Serbi, ndërsa thumboi qasjen e dy ish-kryeministrave Ramush Haradinaj dhe Albin Kurti të cilët sic tha ai krijuan një krisje te made.
Edi Rama: “Takimi I Washigtonit, rihapja e dialogut me ndërmjetësimin e BE-së me Serbinë, përparimi në axhendën e reformave europiane.. Theksoj qasjen e mençur kurajoze dhe konstruktive të qeverisë së Kosovës në dialogun me Serbinë në një koordinim të zgjuar me partnerët strategjikë të Kosovës, SHBA e BE, duke hequr cdo pengesë për rinisjen e dialogut që koha dhe faktet treguan se ishte pengesë që Kosova fatkeqësisht ia vuri vetvetes.
Dialogu mbetet i vetmi instrument për të fituar çështjen e shtruar për zgjjidhje çdo bishtnim nga dialogu krijon vetëm fitore iluzore në rrjetet sociale dhe në mexhelisin mediatik lokal por e largon fitoren reale dhe dobëson pozicionin e Kosovës qoftë së brendshmi në raport me vetveten dhe qoftë së jashtmi në raport me botën. Konsensusi I brendshëm sa I takon dialogut në funksionin të forcimit të pozitave të Kosovës është domosdoshmëri që uroj e shpresoj të mbetet tek të gjithë ata që e garantojnë sot këtë konsensus.
Sot kemi para syve qoftë pasojat e ndërmarrjes së rrugëve pa rrugë qoftë dhe rezultatet e ndërmarrjes së rrugëve me prespektivë. Në shumë pak kohë u arrit të restaurojë një krisje shumë e madhe që pati pasoja jo të vogla mbi Kosovën dhe u arrit një hap që cdo ditë që kalon do flasë gjithmonë e më mirë në Washginton.“
Ora news
