Kryeministri i vendit, Ilir Meta dhe kreu i opozitës, Lulzim Basha kanë uruar ditën e sotme besimtarët katolikë për festën e Pashkëve.
“Mirëmëngjesi! Gëzuar Pashkët nga Fieri”, shkruan Rama në postimin e tij.
Nga ana tjetër, Basha ka theksuar se kremtimi i Pashkëve shënon triumfin mbi të keqen dhe forcën e jashtëzakonshme të ringjalljes dhe dashurisë.
“Nga zemra ju uroj Gëzuar Pashkët të gjithë besimtarëve katolikë.
Kremtimi i Pashkëve shënon triumfin mbi të keqen dhe forcën e jashtëzakonshme të ringjalljes dhe dashurisë. Sot, kur si asnjëherë më parë jemi në udhëkryq, të gjithë së bashku le të gjejmë forcën për të kapërcyer çdo vështirësi me zemrat e mbushura me besim se aspiratat tona do të bëhen realitet.
Prandaj ju motra e vëllezër që po kaloni vështirësi shëndetësore, nëna dhe baballarë që sot jeni në pamundësi ekonomike, të rinj e të reja që mendoni emigrimin, mbushini zemrat tuaja me shpresë se ditë më të mira po vijnë. Zoti e bekoftë Shqipërinë. Për shumë vjet gëzuar!” shkruan Basha.
Mbrëmjen e djeshme, urimi për Pashkët ka ardhur dhe nga Presidenti i vendit Ilir Meta përmes një postimi në Facebook ka uruar të gjithë besimtarët katolikë dhe ungjillorë për këtë festë.
(E.H/Faxweb.al)
