Ambasada Amerikane në Tiranë njoftoi sot se nga data 26 janar do të ketë kushte të reja për ata që do të shkojnë me avion në SHBA.
Në njoftimin e publikuar sot në Fb, ambasada shkruan se të gjithë personat që duan të hyjnë në SHBA duhet të paraqesin një test negativ Covid, ose provën që tashmë e kanë kaluar virusin.
“Duke filluar nga 26 janari, nëse udhëtoni me avion nga një vend tjetër drejt Shteteve të Bashkuara të Amerikës, ju duhet të paraqisni një rezultat negativ testi COVID-19 ose prova që e keni kaluar COVID-19 përpara se të udhëtoni. Mësoni më shumë mbi kërkesat për udhëtim duke klikuar këtu https://bit.ly/3srOFLA“, thuhet në njoftimin e ambasadës që është publikuar në rrjetet sociale.
(E.K/Faxweb.al)
