37.4 C
Elbasan

Drejtësia e proceseve të përsëritura gjyqësore, mungesë drejtësie”/Nuk hidhet baltë thjesht mbi Thaçin, Veselin apo UÇK-në, por mbi krejt shqiptarinë

Kryeministri Edi Rama po vijon ditën e dytë të vizitë zyrtare në Kosovë, sikurse është shprehur ai, “për të dëgjuar dhe mësuar më shumë pas fletërrufesë speciale që do të hyjë si njollë turpi në historinë botërore drejtësisë”.

“Mirëmëngjes nga Prishtina ju uroj të gjithëve një ditë të mbarë”, tha Rama ndërsa ndau edhe qëndrimin e tij për këtë çështje.

Për kryeministrin Rama “drejtësia e proceseve të përsëritura gjyqësore është mungesë drejtësie”.

“Pas 21 vitesh del një tekst ku fryma diskretituese e fjalëve asgjëson vetë prezumimin e pafajësisë. Këtu nuk është se hidhet baltë thjesht mbi Hashim Thaçin apo mbi Kadri Veselin, as mbi UÇK-në, por mbi vetë Kosovën dhe krejt shqiptarinë. Serbinë nuk e bombardoi Hashim Thaçi me Kadri Veselin, e bombardoi bota demokratike dhe Serbia nuk ishte viktimë, ishte agresori dhe Hashim Thaçi, Kadri Veseli, Ramush Haradinaj e gjithë të tjerët u rebeluan ndaj agresorit në emër të viktimave”, u shpreh të enjten në Kuvend, Kryeministri Edi Rama.

Sipas tij, “nëse në Kosovë odiseja e drejtësisë ndërkombëtare vazhdon prej 21 vjetësh, në Serbi, dhe veçanërisht për krimet në Kosovë dhe ndaj shqiptarëve të Kosovës, zero”.

“Pse duhet të flas për pastërtinë dhe pafajësinë e Ushtrisë Çlirimtare të Kosovës kur këtu flitet konkretisht dhe ata pa të cilët sot Kosova do të vazhdonte të kishte mbi kokë kushedi se kë. Përballja e gjatë që vazhdon me drejtësinë do ta bëjë UÇK më të fortë dhe do ta bëjë Kosovën më të mirë”, tha Rama.

Kryeministri Edi Rama po zhvillon takime me liderët politikë në Kosovë pas publikimit të aktakuzës së Prokurorisë Speciale ndaj Presidentit të Kosovës, Hashim Thaçi dhe ish-kryetarit të Kuvendit të Kosovës, Kadri Veseli.

Në ditën e parë të vizitës në Kosovë, Kryeministri Rama zhvilloi dje takime me Presidentin Hashim Thaçi, Kryetaren e Kuvendit, Vjosa Osmani, Kryeministrin, Avdullah Hoti, kryetarin e Partisë Demokratike të Kosovës, Kadri Veseli, me kryetarin e partisë “Nisma Socialdemokrate”, Fatmir Limaj dhe kryetarin e Lëvizjes Vetëvendosje, Albin Kurti.

Atsh

Lajme të tjera

Duket si pluhur, shpiket gjaku artificial

Shkencëtarët e University of Maryland School of Medicine po zhvillojnë një zëvendësues artificial gjaku që synon të stabilizojë pacientët e lënduar përpara se të...

Sigurimi nga tërmetet i detyrueshëm/ Rikthehet projektligji “Shteti përgjegjës”, kush refuzon nuk merr shërbimet

Sigurimi i banesave nga tërmetet do të jetë i detyrueshëm dhe do të ofrohet nga vetë shteti. Është ky propozimi i hedhur për konsultim nga...

“Njoh vajza në televizion që shesin trupin për para”, Roza Lati: Prostitucioni profesioni më i lashtë! Kam pasur një revoltë me to, por…

Moderatorja e njohur Roza Lati, e cila ka qenë dhe banore e Big Brother Vip, ka dhënë një intervistë ‘gjerë e gjatë’ ditën e...

“Bizneset, afat deri në 31 korrik për të larguar materialet”, Rama: Mbajtja buzë rrugëve e rraqeve do të shoqërohet me masa të rënda

Kryeministri Edi Rama ka dhënë ultimatum për bizneset të cilat mbajnë materialet e tyre buzë rrugëve duke zënë hapësirat publike. Bizneset në anë të segmenteve...

Nga lirimi me kusht për burgimin e përjetshëm tek shkaktimi i vetëvrasjes nëpërmjet bullizimit/ Cilat janë risitë e Kodit të ri Penal

Sot u prezantua drafti i Kodit të ri Penal, i cili parashikon 42 nene më shumë se ai aktual Në Kodin e ri Penal propozohet...

“Ma nxiu jetën, e urreja”/ Tentoi të fshihte vrasjen e të atit, si u ‘thye’ para policëve 26-vjeçarja nga Fieri: Lekët…

Detaje të reja nga ngjarja e rëndë në Fier ku vajza vrau babanë dhe tentoi ta fshihte si ngjarje aksidentale. Pas disa orëve në komisariat...