Policia e Fierit ka vënë në pranga një 35-vjeçar si dhe ka proceduar kryeplakun e fshartit dhe inxhinierin. Mësohet se në tokën në administrim të Drejtorisë së Ujitjes dhe Kullimit, shtetasi J.G, kultivonte fidanë narkotikë canabis sativa.
Ndërsa kryeplaku i fshatit ka bashkëpunuar me të, duke e mbajtur të fshehtë ngjarjen. Kurse inxhinieri akuzohet pasi ka shpërdoruar detyrën.
NJOFTIMI I POLICISË:
Vijon kontrolli masiv i territorit për parandalimin e kultivimit të bimëve narkotike.
Si rezultat i kontrollit u godit një tjetër tentativë për kultivim të bimëve narkotike.
Arrestohet në flagrancë 1 shtetas, procedohet penalisht kryeplaku i fshatit dhe inxhinieri i Drejtorisë së Ujitjes dhe Kullimit Fier.
Shërbimet e Komisariatit të Policisë Fier, në bashkëpunim me punonjësit e Stacionit të Policisë Kufitare Hoxharë, në vijim të kontrollit të pandërprerë të territorit për parandalimin e kultivimit të bimëve narkotike, kanë bërë të mundur që në fshatin Grykë, të parandalojnë dhe të godasin një tentativë të kultivimit të bimëve narkotike.
Si rezultat i kontrollit, në tokën në administrim të Drejtorisë së Ujitjes dhe Kullimit Fier, u gjetën dhe u sekuestruan fidanë të dyshuar narkotikë canabis sativa.
Në vijim të veprimeve hetimore u bë arrestimi në flagrancë i shtetasit J. G., 35 vjeç, banues në Dërmënas si autorë i dyshuar i mbjelljes së fidanëve.
Gjithashtu u procedua penalisht për moskallëzim krimi, kryeplaku i fshati Grykë, shtetasi T. Ç., 58 vjeç, si edhe u procedua për shpërdorim detyre inxhinieri i Drejtorisë së Ujitjes dhe Kullimit Fier, shtetasi E. K., 37 vjeç, banues në Fier.
Materialet i kaluan Prokurorisë pranë Gjykatës së Shkallës së Parë Fier, për veprat penale “Kultivimi i bimëve narkotike”, “Moskallëzim krimi” dhe “Shpërdorim detyre”
realnews
