16.8 C
Elbasan

Eurostat: Shqiptarët, të tretët të refuzuarit në botë për të hyrë në vendet e BE-së

Shqiptarët renditen të tretët në botë, pas marokenëve dhe ukrainasve, që iu është refuzuar hyrja në Bashkimin Europian në vitin 2019 dhe po të tretët për numrin e personave të cilët janë urdhëruar të largohen.

Në vitin 2019, rreth 717 mijë qytetarëve nga vendet jo të Bashkimit Europian iu refuzua hyrja në BE, në një nga kufijtë e saj të jashtëm, shifër që është rritur me 58% krahasuar me 454 600 persona në vitin e kaluar, sipas të dhënave të publikuara sot nga Eurostat.

Numri më i lartë i qytetarëve jo-BE, që iu refuzua hyrja në BE në vitin 2019 ishin marokenë (489 900), ndjekur nga qytetarët e Ukrainës (66 500) dhe të Shqipërisë (22 800).

Një shumicë e madhe e refuzimeve të hyrjes u regjistruan në Spanjë (493 500), e ndjekur nga Polonia (65 400) dhe Franca (56 600): së bashku këto tre shtete anëtare të BE-së përbënin 86% të të gjithë qytetarëve jo-BE që iu refuzuan hyrjen në BE në vitin 2019.

Shqipëria renditet e treta edhe për numrin e qytetarëve që janë urdhëruar të largohen nga vendet e BE-së. Eurostat raporton se në 2019-n, numri më i lartë i personave që u urdhëruan të linin territorin e shteteve anëtare të Bashkimit Europian u konstatua për ukrainasit (37 100), marokenët (34 800) dhe shqiptarët (30 900).

Numri i qytetarëve jo të BE- që u urdhëruan të largohen në 2019-n u rrit me 8%, krahasuar me një vit më parë, duke arritur në 491 mijë persona.

Midis Shteteve Anëtare të BE-së, Franca raportoi numrin më të madh të qytetarëve jo-BE të urdhëruar të linin territorin e saj në vitin 2019 (123 800), e ndjekur nga Greqia (78 900), Gjermania (47 500) dhe Spanja (37 900).

Në vitin 2019, nga ata që u lëshua urdhër për të lënë territorin e një Shteti Anëtar të BE-së, u kthyen jashtë BE rreth 142 mijë persona; një ulje prej 2.5% kur krahasohet me një vit më parë (145 900).

Polonia raportoi numrin më të madh të qytetarëve jo-BE që ikën nga BE (25 900), e ndjekur nga Gjermania (25 100), Franca (15 600), Spanja (11 500) dhe Holanda (11 100): së bashku këto Shtete Anëtare përbënin gati dy të tretat (63%) të të gjithë qytetarëve jo-BE të kthyer jashtë BE-së në vitin 2019.

Ukrainasit (27 200) kryesuan listën e qytetarëve jo-BE të kthyer në një vend jo të BE-së, të ndjekur nga shqiptarët (15 400), marokenët (10 200) dhe gjeorgjianët (8 600)./Monitor

Lajme të tjera

Banorët denoncojnë abuzimet me tokat në Bashkinë Belsh: Oligarkët po na i marrin

Banorët e fshatit "Qafë Shkallë" po përballen me humbjen e tokave të tyre të trashëguara. Sipas tyre, këto toka, që ata i kanë punuar dhe...

Bletaria në Elbasan pa asnjë mbështetje, bletërritësi: Nuk ka treg për shitje mjalti

Në Elbasan bletaria po përhapet gjerësisht, por bletërritësit ankohen së nuk kanë mbështetja nga qeveria, madje as treg ku të shesin mjaltin. Madje së...

Nuk i ktheu sendet personale të të ndjerit familjes së tij, nis hetimi për punonjësin e agjencisë funerale në Elbasan

Një punonjës i një shërbimi funerali në Elbasan është vënë nën hetim nga Prokuroria, pasi dyshohet se nuk i ka kthyer sendet personale të...

19-vjeçari bie në pranga në Elbasan, i vodhi makinën një qytetari gjatë natës

Një 19-vjeçar ka rënë në prangat e policisë pasi vodhi një makinë dhe qarkulloi pa një leje drejtimi në Elbasan. Sipas policisë, si rezultat i...

3 urdhër arreste për drejtuesit e Policisë Rrugore në Tiranë, mes tyre shefi i Qarkullimit (DETAJE)

Prokuroria e Posaçme Kundër Korrupsionit dhe Krimit të Organizuar (SPAK) lëshon 3 urdhër arreste për tre zyrtarë të Policisë Rrugore të Tiranës, të cilët...

Koktej molotovi, kallashnikovë, plagosje dhe../ Kur Pashkët kthehen në një “zonë lufte! Çfarë ndodhi në Greqi?!

Pashkët me amputime, koktej molotovi dhe kallashnikovë. Festa e Pashkës u kthye këtë vit në makth, Pashkët e këtij viti u shënuan nga një sërë...