16.9 C
Elbasan

Gati spitali i dytë Covid, Manastirliu: Rihapet transporti publik, por me rregulla strikte. Maska, e detyrueshme

Për të përballuar fluksin në rritje të të prekurve me COVID-19, që kanë nevojë për trajtim spitalor, është gati të hapet spitali i dytë COVID në QSUT. Ministrja e Shëndetësisë dhe Mbrojtjes Sociale, Ogerta Manastirliu, ka lajmëruar se bëhet fjalë për ish-spitalin e Kirurgjive.

“Me plotësimin e kapaciteteve të Spitalit Infektiv, po përgatitemi për hapjen e ish-Kirurgjive në QSUT për të përballuar fluksin aktual dhe po përfundojmë rekrutimin e stafit mjekësor dhe infermieror që do të shërbejë në këtë spital”, tha Manastirliu.

Duke deklaruar se janë marrë masat për mjetet e mbrojtjes personale, aparaturat mjekësore dhe terapitë e nevojshme medikamentoze për pacientët, Manastirliu shpjegoi hapat që do të ndërmerren nëse numri rritet më tepër, sidomos sa u takon rasteve në terapi intensive.

“Paralelisht me hapjen e ish-Kirurgjive në QSUT, nëse do të kemi shtim të rasteve në terapi intensive, do të hapim spitalin COVID-2, pra spitalin ‘Shefqet Ndroqi’ dhe në skenarin tjetër, nëse shifrat kapërcejnë këto kapacitete, do të hapet spitali COVID-4 në aksin Tiranë-Durrës, i cili do të administrohet nga QSUT”,tha Manastirliu.

Spitalet COVID-3 dhe 4 janë parashikuar të jenë spitale karantinë, ku trajtohen kryesisht pacientë që gjendjen akute dhe janë në fazë rekuperimi.

Ministrja e Shëndetësisë lajmëroi gjithashtu heqjen e kufizimit për transportin publik.

“Komiteti Teknik i Ekspertëve ka vendosur hapjen e transportit publik, por vetëm nën protokolle strikte, tashmë të miratuara, ku vendosja e maskës qoftë nga ata që shërbejnë apo nga qytetarët që e përdorin transportin publik, do të jetë e domosdoshme dhe nuk do të tolerohet asnjë thyerje e këtij rregulli”, tha Manastirliu.

Edhe pas përfundimit të gjendjes së fatkeqësisë natyrore, sistemi shëndetësor do të vijojë të jetë në alert dhe se do të kërkohet me rigorozitet zbatimi i protokolleve të sigurisë.

“Përfundimi i gjendjes së fatkeqësisë natyrore nuk e ul gatishmërinë tonë në përballje me këtë virus të rrezikshëm, pasi vendi vijon të jetë në gjendje epidemie dhe bazuar në ligjin për sëmundjet infektive do të vijojnë të jenë në fuqi të gjitha masat që kufizojnë përhapjen e infeksionit. Strukturat e Task-Forcës anti-COVID do të vijojnë të jenë të angazhuara 24/7 në terren në të gjithë territorin, me kapacitet të plotë dhe çdo thyerje e rregullave do të konsiderohet kërcënim për shëndetin e popullatës”, tha Manastirliu.

Ministrja kërkoi bashkëpunimin e qytetarëve për masat parandaluese ndaj COVID-19, për të mos e mbingarkuar sistemin shëndetësor.

“Duke falënderuar stafet mjekësore që vijojnë të jenë në gatishmëri, çdo qytetar është i lutur të mbrojë sistemin shëndetësor, të mos e vërë në sprovën e mbingarkesës, duke zbatuar rregullat e thjeshta parandaluese, distancimi fizik, higjiena personale dhe mbajtja e maskës kudo kur nuk është e mundur të respektohet distance, pasi janë të vetmet armë që kemi në dorë për të parandaluar përhapjen e COVID19”, tha Manastirliu.

Monitor

Lajme të tjera

Ortaku i Gjergj Lucës arrestohet për trafik kokaine

Në orët e para të mëngjesit të sotëm, Policia njoftoi arrestimin e Dorian Beut, një 46-vjeçar i shpallur në kërkim me vendim të Gjykatës...

Elbasan/ Arrestohen disa persona

Drejtoria Vendore e Policisë Elbasan Specialistët e Qarkullimit Rrugor arrestuan në flagrancë shtetasin R. H., 39 vjeç, pasi u kap duke drejtuar automjetin, në gjendje...

EMRI/ Pjesë e grupit kriminal, arrestohet në Malin e Tomorrit 46-vjeçari i dënuar me burg nga GJKKO! Kishte shkuar për pelegrinazh

Lokalizohet në Malin e Tomorrit, kapet dhe vihet në pranga një i kërkuar, me masë sigurie “Arrest në burg”, caktuar nga GJKKO-ja. Në vijim të...

Kolegji Zgjedhor rrëzon Lapajn/ Lë në fuqi vendimin e KAS, mandati i ‘Shqipëria Bëhet’ për Ana Dajkon

Merr fund telenovela Lapaj-Shabani. Puntata e fundit u luajt në Kolegj, me trupën gjykuese që rrëzoi shpresën e fundit të Lapajt për t’u bërë...

Viti i ri shkollor/Nis shpërndarja e teksteve falas për 236 mijë nxënës

Në prag të nisjes së sezonit të ri shkollor, kryeministri Rama ka njoftuar se ka nisur shpërndarja e teksteve. Rreth 236 mijë nxënës do...

“E linte shtatzënë që ajo të mos divorcohej”/ Dëshmia tronditëse e motrës së 36-vjeçares shqiptare që u vra nga bashkëshorti në Greqi

Motra e 36-vjeçares shqiptare që u vra nga bashkëshorti i saj 40-vjeçar në Volos të Greqisë, ka rrëfyer për abuzimin që viktima përjetoi në...