22.2 C
Elbasan

Gjeti çantën e mbushur plot më para, shqiptari i dorëzon në polici, rrëfimi i tij lë pa fjalë efektivët

Rasti i shqiptarit me prejardhje nga Kosova, Eduardt Latifi, i cili ka dorëzuar në polici një shumë të hollash që ka gjetur në rrugë ka bërë bujë të konsiderueshme në mediat zvicerane.

Por, pas jehonës së parë, pozitive dhe komplimenteve për Eduardin, ajo që tani po diskutohet është shuma modeste, 100 franga, të cilën ja ka dhënë gjetësit si shpërblim, gruaja që kishte humbur paratë.

Kështu, lexuesit e 20minuten.ch po zhvillojnë një debat të gjallë në lidhje me rastin. Disa pranojnë hapur në komentet e tyre se ata vetë do t`i mbanin paratë e gjetura, duke marrë kështu në konsideratë edhe kryerjen e një vepre penale.

Por në shumicën e komenteve, Latifi merr lëvdata për ndershmërinë e tij, transmeton albinfo.ch. Ai përshkruhet si një “model i shkëlqyeshëm” ose “njeri i ndershëm” etj. Dikush komenton: “Ai patjetër që meriton respektin tim. Në lidhje me shumën e shpërblimit për gjetësin, mendoj se ajo mund të ishte më e përshtatshme “.

Kështu reagojnë shumica. Ata besojnë se shpërblimi prej 10 për qind të shumës së gjetur do të kishte qenë më adekuat. Të kujtojmë: Fillimisht flitej për 9.000 franga (më vonë u sqarua se bëhej fjalë për 6.200 franga), me ç`rast shpërblimi prej 100 frangash për gjetësin i binte të jetë vetëm rreth një për qind. “Të turpshme” ose “koprrace” e quajnë shumica këtë veprim, përkatësisht gruan që ka vepruar kështu. Të tjerë thonë se megjithatë, edhe 100 franga është një shumë e respektuehsme.

Policia: “Shpërblimi për gjetësin ndoshta nuk është i përshtatshëm”

Shuma e shpërblimit për gjetësin e parave nuk rregullohet me ligj në Zvicër. Kodi Civil Zviceran përmend vetëm një “shpërblim të duhur/adekuat për gjetësin”. Andy Theler, zëdhënës i policisë kantonale të Thurgaut, thotë: “Me një shumë prej 6200 franga, 100 franga ndoshta nuk është shpërblimi i duhur për gjetësin. Përvoja tregon se shpërblimi në raste të tilla zakonisht është rreth pesë deri në dhjetë për qind të shumës së gjetur”.

Ndërsa vetë Eduardt Latifi thotë: “Kur i gjeta paratë, nuk mendova për asnjë sekondë për shpërblimin që mund të më takojë si gjetës.

Thjesht doja t`i çoja në polici sa më shpejt që të ishte e mundur”. Sipas mendimit të tij, nuk është në rregull të dërgosh në polici diçka që ke gjetur, me shpresën se do të marrësh një shpërblim të lartë. Ai thjesht donte që çanta e gjetur me para, t’i kthehej pronarit. I pyetur për shumën prej 100 franga, ai thotë: “Edhe tani nuk më intereson nëse janë 10, 50 apo 100 franga apo thjesht, një çokolatë si falënderim. Do të mirëprisja një telefonatë personale nga pronarja”.

Fax web

Lajme të tjera

Kombëtarja shqiptare mbërrin në Riga për ndeshjen ndaj Letonisë

Kombëtarja shqiptare ka udhëtuar këtë të diel drejt Rigës, Letoni, në kuadër të ndeshjes kualifikuese për Kupën e Botës ndaj Letonisë, që do të...

Varrezat e Elbasanit të mbuluar nga barishtet, familjarët mezi gjejnë të afërmit e tyre

Një qytetar nga Elbasani ka shprehur shqetësimin e thellë për gjendjen alarmante të varrezave të qytetit. Sipas tij dhe pamjeve filmike të siguruara nga...

Lejuan drogë në makinë, arrestohet 4 puninjës policie

4 punonjës të policisë kufitare të Kapshticës përfunduan në pranga mes tyre një përgjegjës turni pas zbulimit të një sasie droge në një automjet Kontrollet...

Bie nga lartësia e pallatit, humb jetën 14-vjeçari

Një  i mitur, 14 vjeç, pasditen e së shtunës ka rënë nga lartësia e tarracës së një pallati në Yzberisht dhe për pasojë ka...

Tragjike në “Qytet Studenti”, 30-vjeçari hidhet nga lartësia dhe i jep fund jetës

Një ngjarje tragjike ka ndodhur ditën e djeshme në zonën e “Qytet Studenti” në Tiranë, ku një 30-vjeçar është hedhur nga një lartësi dhe...

Salmonela helmon amerikanët, tërhiqen nga tregu 1.7 milionë vezë

Më shumë se 70 persona në shtatë shtete janë sëmurë për shkak të një shpërthimi të salmonelës të lidhur me vezët e tërhequra nga...